Esta web utiliza cookies, puedes ver nuestra la política de cookies, aquí, Si continuas navegando estás aceptándola.
EU | ES
Menu
Logo kaixo.com Logo kaixo.com
Logo bilatu
Logo usuario

EiTB Jaia 2019: Belako + Izaro + Rural Zombies

Imagin Gaztea kontzertuarekin bukatuko da aurtengo EiTB Jaia BECen, eta hiru talde izango dira CUBEC aretoko taula gainean: Rural Zombies, Izaro eta Belako. Gaztea irratiak antolatutako kontzertuak dira, imaginBank-en babesarekin.


Lehen 1.000 sarreren prezioa 12 eurokoa izango da eta gainerako sarrerak 16 euroan jarriko dira salgai. Sarrerarekin, gainera, ekarpena egingo zaio 2019ko EiTB Maratoiari, sarrera bakoitzeko 3 euro maratoiarentzat izango baitira. Haur minbizia da aurtengo maratoiaren ardatza. Sarrerak salgai daude EiTB Jaiaren webgunean.


Belako


Josu Ximun Billelabeitia (gitarra), Lore Billelabeitia (baxua), Lander Zalakain (bateria) eta Cris Lizarraga (ahotsa) dira Belako.


Nazioartean oihartzun handia lortu duen taldea da Mungiakoa, eta hainbat sari jaso ditu: RNEren El Ojo Crítico, Rolling Stone saria, Iberian Music Awards saria penintsulako zuzenekorik onenarentzat eta Min sariak (artista onena, zuzeneko onena eta bideoklip onena). Halaber, izendapena jaso zuen MTV sarietan eta Musika Kritikoen Elkartearen Ruido sarietan.


Izaro


Eason diskoa, Izaroren bigarren lana, urteko diskoetako bat da. 2018ko martxoaren 8an antzoki handietara egin zuen salto Mallabiako abeslariak: Arriaga Antzokian eta Victoria Eugenian aritu zen zuzenean, eta sarrerak agortu zituen. Ondoren, arrakastaz arrakasta jarraitu zuen Gasteizen, Madrilen, Bartzelonan… Bira luzea izan zen (tartean sei zuzeneko Mexikon), eta sortutako aurreikuspenak bete zituen.




//



Rural Zombies


Julia (ahotsa eta sintetizatzaileak), Manu eta Luken (gitarrak), Marcos (baxua) eta Aratz (bateria) dira Rural Zombies, eta Zestoan sortu ziren, 2014an.


Gazteak izan arren, guztiak izan dira aurretik beste talde batzuetan eta bestelako estilo batzuk jorratzen, eta taula gainean trebetasun handia erakutsi dute. ‘BAT’ diskoak harrera handia izan zuen publikoan eta prentsa munduan, eta 2018ko urtarrilean kaleratu zuten From home to Hospital St. Izeneko bigarren lana.


BEC-eko hau Euskadin emango duten azken zuzenekoa izango da, Imagin Gaztearen eskutik.


2019ko EiTB Jaia urriaren 12an izango da, Barakaldoko BECen


Aurtengo EiTB Jaia urriaren 12an egingo da, Barakaldoko BECen. EiTB taldeak urtero antolatzen duen ekimena da hau: 14 orduko festa, euskaraz. Aurten, gainera, izaera sozial berezia izango du, EiTB Maratoiarekin bat egingo baitu jaiak. Hala, egun osoan zehar izango diren jardueretan bildutako dirua haur minbizia ikertzera bideratuko da. Urtero bezala, programazio eskaintza zabala izango du EiTB Jaiak, publiko guztientzat: Haur eta familiak, nerabeak, gazteak eta helduak.


Hala, 4 ekitaldi handi izango dira egunean zehar, guztiak BECen eta adin tarte bakoitzari egokituta:


Hiru3Jaia: 2. pabiloian, 11:00etatik 17:00etara. Sarrera librea eta doakoa.


'Go!azen 6.0' denboraldi berriaren aurrestreinaldia: 4. pabiloian CUBEC! aretoan. Bertan egoteko, sarrera erosi beharko da eta sarrera horrekin ekarpena egingo zaio 2019ko EiTB Maratoiari.


Oholtzan Jaia: 2. pabiloian, 20:30etik 22:00etara. Sarrera librea eta doakoa.


Imagin Gaztea Kontzertua: Rural Zombies + Izaro + Belako: 4. pabiloian (CUBEC! aretoan), 22:00etatik aurrera. Bertan egoteko, sarrera erosi beharko da, eta sarrera horrekin ekarpena egingo zaio 2019ko EiTB Maratoiari.

Fecha inicio:2019-10-12
Fecha fin:2019-10-12

Dirección: BEC. Bilbao Exhibition Centre, Barakaldo

EiTB Jaia 2019: Belako + Izaro + Rural Zombies

Altitud: 43.288235

Latitud: -2.990406

Open data Euskadi

visualizado 18 veces

04 de septiempre de 2019 a las 04:19

Entrada de Música / Conciertos en el agenda de Euskadi

+ Modificar/borrar agenda + Aadir entrada en agenda gratis